१७ साउन, सुर्खेत । कर्णाली प्रदेश सरकारले आज सार्वजनिक बिदा दिएको छ । नाग पञ्चमीका अवसरमा प्रदेश सरकारले बिदा दिएको हो ।
‘साउन १७ गते मंगलबार साउन शुक्ल पञ्चमी अर्थात् ‘नाग पञ्चमी’ को अवसरमा कर्णाली प्रदेशस्थित सबै सरकारी तथा सार्वजनिक संघ संस्थाहरूमा सार्वजनिक बिदा दिने दिइएको छ’ प्रदेशको आन्तरिक मामिला तथा कानुन मन्त्रालयद्वारा जारी एक विज्ञप्तिमा भनिएको छ ।
बिदाका दिन कर्णाली प्रदेशस्थित सबै सरकारी कार्यालय तथा सार्वजनिक संघसंस्थामा बन्द रहने मन्त्रालयका प्रवक्ता निधिराज न्यौपानेले बताए ।
उनका अनुसार प्रदेश मन्त्रिपरिषद्को २९ चैत ०७८ को निर्णय अनुसार सार्वजनिक बिदा दिइएको हो ।